Ofátskrapp

Fyrst Hafdís fór sjö ferðir á jólahlaðborðinu þá þýðir það að ég hef farið átta. Krapp. Í tilefni af því bætti ég henni inn á "Gott krapp" listann ásamt Óla bróður hennar í skiptum fyrir Huginn sem hefur ekki látið í sér heyra í hátt á fimmta ár.

Fannst Billy Graham vera að beina orðum sínum extra mikið að mér á Aksjón um daginn þegar hann húðskammaði hjörð sína fyrir að vera átsvelgir og eiga skilið að brenna í eldum vítis. Ég hef kannski ekki verið að ímynda mér það.

ULTIMATE TÍUÞÚSUND-krapp

Hilmir snýr heim er ekki eini stórviðburðurinn á sviði lista og menningar sem heimurinn fær að upplifa þessi jólin. Von er á hinu últrafróma tölvuspili ULTIMATE TÍUÞÚSUND á markaðinn, sem hefur verið í gríðarlega stöðugri þróun síðastliðinn mánuð.

Til að sefa sárasta hungrið presenteras hérmeð eilítill skermsdump af þessari snilld. Stei tjúnd á þessari síðu til að verða með þeim fyrstu til að niðurhala þessum menningarviðburði ársins þegar honum verður sleppt.

Turnaspilskrapp

Þar sem Geiri frændi fékk að vera þess heiðurs aðnjótandi að fá myndaseríu af sér spilandi hið margfræga turnaspil á Krappetíkrappið, þá verður Halez einnig að fá að njóta þess heiðurs.







Fallegt eller hur?

Kebabkrapp

Þeir lesendur Krappetíkrappsins sem eru forvitnir að vita hvernig sænsk-tyrknesk kebabpítsa lítur út, vessgú. Fyrir þá sem þegar vita hvernig hún lítur út þá ætti þetta að vera kærkomin upprifjun.



Jättespännande eller hur?

Tímamótakrapp

Dyggum lesendum Krappetíkrappsins skal bent á það að um þessar mundir eru heil 10 ár síðan sértrúarsöfnuðurinn Molinn ruddi sér til rúms á íslenskum markaði. Ekkert nema gott um það að segja. Hamingjuóskum skal beint til Æðstaprestsins.

Sürströmmingkrapp

Um daginn fyllti ég heil 25 ár, og eins og vera ber þá ákvað ég að vera að heiman á afmælisdaginn. Dugði þá ekkert annað en að bregða mér til Svíþjóðar þar sem ég dvaldi í góðu yfirlæti, skrapp meiraðsegja til Skaufabæjar í brjáluðu nostalgíuflippi og hitti þar margt gott fólk og át eina mjög slæma kebab-pítsu (mín mistök að láta plata mig á vitlausan veitingastað, mér sem var búið að dreyma blauta båtpizzudrauma í mánuð áður en ég lagði af stað í ferðina (fyrir óinnsetta þá er båtpizza aðaltrompið á matseðli veitingahússins Kryddunnar, sem hefur það sérkenni að vera í laginu eins og bátur (þ.e. pítsan))).

En slæmt kebab var ekki það eina sem ég át. Heima hjá afa og ömmu hönnu fékk ég að upplifa einn þann hrottalegasta munnbita sem ég hef á ævinni látið upp í mig. Þarna er ég að referera til hins alræmda matréttar SURSTRÖMMING, sem er einhverskonar síld sem er búið að láta morkna, salta örlítið, og síðan látin morkna töluvert lengur. Lyktin er slæm, en bragðið er verra. Þó ég væri búinn að kaffæra þessu litla sem ég át í brauði, kartöflum og miklu af lauk, þá endaði þetta með hatrammri baráttu á milli surströmmingbitans á leiðinni niður, og öllu því sem ég hafði innbyrt um daginn á leiðinni upp. Sem betur fer þá hafði surströmmingið yfirhöndina og eldhúsborðinu var bjargað frá bráðum bana.

Lesendum Krappetíkrappsins til varnaðar þá lítur surströmmingbaukur svona út. Verst að það er ekki búið að finna upp smell-o-scope plugin í bráwsera, þá væri hægt að láta fnykinn fljóta með og þarmeð upplifa þetta ohgeath til fullnustu.



Þess má geta að afi hennar Hönnu át átta flök. Hann er sko töffari.

Úranauðganakrapp

Karl faðir minn kom auga á þessa fyrirsögn í DV í dag. Ég trúi hreinlega ekki öðru en að sá sem setti þetta inn hafi verið meðvitaður um þessa hressandi tvíræðni:

Íhuga að hætta úranauðgun

Þetta hlýtur að vera hið besta mál fyrir greyið úrin gæti ég trúað, eftir áralanga misnotkun. Það er ekki fyrren lesandinn kemst lengra í greininni að eftirfarandi skýring kemur:

"...Íranar kynnu að hætta að auðga úran ef þeir fengju að halda í kjarnorkuáætlun sína...".

Hressandi! Ef Gísli Marteinn væri alltaf með "heddlæns" í hverri viku þá myndi ég ekki hika við að senda honum þetta.

Geirakrapp

Krappetíkrappið getur ekki annað en bætt örlitlu við í öfluga veggmyndaflóru Geira kippu, hérmeð kynnum við til sögunnar tvær útgáfur af "Einbeitta Geira" og eina útgáfu af "Kreisí Geira".

Pikk of ðe weak III

halez.net, RobbiK.net og hörðurflóki.com í miklum ham.

Pikk of ðe weak II

Farbrorinn að taka Kassmæer(TM) einhversstaðar á Austurlandi.

Pikk of ðe weak

Hörður og RobbiK.NET að skemmta sér á Egilsstöðum.

Skrýtlukrapp

Nokkuð sterk gamansaga hjá Überkommúnistanum. Gæti vel trúað því að hún sé jafnvel betri læv.

Krækjukrapp

Ákvað fyrst ég var nú að þessu á annað borð að uppfæra krækjusafn síðunnar, eða það sem kallað er "Annað gott krapp". Ástæðan fyrir þessu er sífellt áreiti frá Tryggva Ex-ara, en það fyllti mælinn að hafa lent á krækjusvartalistanum hans átjánda skiptið í röð (þó það sé í raun ekkert annað en ódýr auglýsing, sama hversu effektív hún reynist).

Fyrir utan að þóknast Ex-aranum þá bætti ég við tveimur kröppum, honum Denna , en við vorum vistmenn á Hæli í Hrísey sumar eitt fyrir u.þ.b. 8 árum, og Bóbó Bear Ass, sem hefur helst sér til frægðar unnið að hafa dauðabreikað í hljómsveitinni OHGEATH við góðan orðstír. Held að það sé nokkuð ljóst að einn maður hefur aldrei í sögu krappsins krappað eins mikið og dauðabreikarinn. Þónokkuð gott krapp, þó það sé með öllu mannskemmandi. Finnst reyndar áhugaverð þetta bangsapabbablæti í honum og Überkommúnistanum, kannski eitthvað skapgerðarmönster þar á ferð.

ps. varðandi fyrirsögnina þá var ég töluvert lengi að velta því fyrir mér hvaða íslensku þýðingu á orðskrípinu "línkur" ég ætti að nota og notaði að sjálfsögðu þá sem reyndist hvað bragfræðilega rétt þegar hún var notuð í þessu samhengi. Verst að þetta þýðir víst að ég hef orðið fyrir meiri áhrifum frá Sverri Páli en ég hef hingað til viljað viðurkenna.

Dagblaðakrapp

Eftirfarandi fyrirsögn var birt á baksíðu Morgunblaðsins í gær:

"Ástamál flæktu líf Vilhjálms Stefánssonar"
Ég veit nú ekki af hverju Mogginn er endilega að flagga þessu í þátíð. Finnst nú að þeir ættu að uppdatera heimildamenn sína. Allavega eru ástamál ekkert hætt að flækja mitt líf frekar en annarra sem enn draga andann.

Þessi fyrirsögn fer í hóp blaðaúrklippna um líf mitt sem hafa áður birst með eftirtöldum fyrirsögnum:

"Amman bjargaði lífi Vilhjálms Stefánssonar"

"Staðfest að Vilhjálmur Stefánsson er faðirinn"

"Vilhjálmur lifir"

"Vilhjálmur fermdur"
Ég veit sennilega manna best hvernig er að lifa lífi undir gagnrýnu augliti fjölmiðlanna.

BANZAI-krapp

Tók eftir því um daginn þegar ég var á miðju kafi í eilífu kanalsörfi mínu að SkjárEinn er búinn að heita því að sýna snilldarþættina Banzai í vetur, ég fagna því mjög. Sá nokkra af þessum þáttum út í Svíþjóð og þótti þeir argasta snilld (og er viss um að hinn frómi fyrrum-skaufabæjarbúi RobbiK er mér hjartanlega sammála í því).

Það er reyndar ákaflega erfitt að lýsa þessum þáttum eða í hverju snilldin er fólgin, ætli það sé ekki næst því að kalla þetta jackass með austurlensku ívafi. Hinir fjölmörgu lesendur Krappetíkrappsins eru alltént hvattir til að kynna sér þessa þætti ef þessi sjónvarpsstöð skyldi gera alvöru úr því að senda þá út.

Leiðréttingarkrapp

Reyndar á Gunni Jóh. ekki afmæli fyrren í dag. Mæ misteik. En afmæliskveðjan stendur öngvu að síður fyrir sínu.

Einnig á nafni minn og forfaðir, Villi á Brekku, afmæli í dag og fyllir hann 89 ár. Gaman að því.

Gunna Jóh krapp

Ei alls fyrir löngu héldu eðalþjónninn Gunni Jóh og eðalkommúnistinn Melli af stað í reisu mikla á farartæki af tegundinni "rússi". Ætlunin var að keyra á rússanum til Seyðisfjarðar og taka þaðan Norrænu til Kaupmannahafnar og rúnta þaðan um heiminn. Helsta óvissuþátturinn í ferðinni var hvort rússinn umtalaði myndi yfir höfuð endast til Seyðisfjarðar, en síðast þegar ég frétti hafði það allavega gengið eftir með glæsibrag, enda um eðalfarartæki að ræða.

Ástæðan fyrir að ég brydda upp á þessu er að Gunni Jóh er aldarfjórðungsgamall í dag, og þar sem hann er ekki náanlegur þá verð ég bara að kasta einu stykki afmæliskveðju út í frumskóg upplýsingahraðbrautarinnar og vona að hún nái til hans.

Hérna er hægt að nálgast nokkur augnablik frá brottför rússans.

Sunnudagskrapp

Í gærmorgun var ég vakinn af símhringingu klukkan að verða 11, en þar á undan hafði ég sofið vært í þeirri trú að þann daginn væri sunnudagur. Sem betur fer tókst vinnufélaga mínum á hinni línunni að leiðrétta þann misskilning.

Dansbandskrapp

Ætli heitmey mín til margra ára, frk. Banna Hlandon, átti sig á því að hún er stödd í sama landi og gefur af sér svona snilldarinnar músík?

Svíaserverskrapp

Þessi bévítans svíaserver sem ég setti þessar myndir á er gjörsamlega ekki að gera sig. Ég sé að það koma líka einhverjar krapp villur ef ég reyni að fara inn á heimasíðu Molans, eða Ohgeath, sem eru einnig á þessum krapp server. Ætli þeir séu búnir að uppgötva það að ég er löngu fluttur frá Svíþjóð og nota þessa aðferð til að hefna sín á mér í sænskum biturleika sínum. Það kæmi mér ekkert á óvart. En einhver á svo sannarlega eftir að gjalda fyrir þetta. Hvert eiga dyggir fylgjendur Molans að snúa sér ef þeir hafa ekki aðgang að hinni Heilögu Ritningu á alnetinu? Flestir ættu reyndar að kunna hana utanað en samt sem áður...

Meira myndakrapp

Svo virðist sem þessi sænski fasistasörver sem ég sett myndirnar á sé með einhverja stæla. Það koma einhver vinaleg "fæl not fánd" skilaboð á vinalegri sænsku ef ég smelli á þessa linka sem ég setti inn, hins vegar er hægt að kópera adddressuna, opna nýjan bráwser glugga, kópera hana þar inn og þannig ná í myndirnar. Þetta er svo mikið krapp að ég get vart orða bundist. Kannski akkúrat sú týpa af krappi sem þessi síða gefur sig út fyrir að miðla til umheimsins, þannig að þetta er máske hið besta mál.

Myndakrapp

Mér sýnist þessar myndir sem ég ætlaði að setja hingað inn ekki alveg vera að gera sig fyrir hinn almenna tölvunotenda. Málið er í athugun.

Á meðan er hægt að sjá halez och Räx hjer och R. Steik ásamt DJ Kjartani er hægt að berja augum hjer.

Halez och Räx krapp

Og fyrst ég er á annað borð í stuði þá vill jeg hjer presentera fallega mynd af þeim Johnson bræðrunum, Halez och Räx. Gaman að segja frá því að Halez var einmitt svo heppinn að vera að fara í hnéaðgerð sama dag og Fú Fæters tónleikarnir voru. Var þá úr vöndu að ráða fyrir mig að ráðstafa miðanum hans en svo skemmtilega vildi til að Geiri kippa var aleinn og miðalaus þannig að af einskærri góðmennsku minni þá seldi ég honum miðann. Og okraði næstum því ekki neitt. Nú þarf ég ekki að gera góðverk aftur næstu 39 árin.



En eftir sat Halez greyið með sárt hnéð. Það gengur bara betur næst.

Megakrapp

Á meðan dyggir lesendur Krappetíkrappsins bíða eftir þýsku klámljósmyndinni úr steggjapartíinu hans Berta Stull, þá er hægt að svala fýsnum lesendanna tímabundið með þessari mynd:



Ef lesandinn gefur ímyndunaraflinu lausann tauminn þá er nokkuð víst að ýmsar áhugaverðar kenningar geta komið upp varðandi hvað það er sem lætur R. Steik setja upp þennan indæla svip.

Steggjakrapp

Ég er með í bígerð að reyna að komast í skanna svo ég geti birt hérna einu myndina sem var tekin í steggjapartíi Berta Stull sem haldið var honum að óvörum ekki alls fyrir löngu. Fyrir forvitna get ég uppljóstrað að á þessari mynd kemur bæði fram þýskt klám og kjánalegt höfuðfat. Ekki amalegt það.

Lesendur Krappetíkrappsins (sem án efa skipta hundruðum um þessar mundir) geta því beðið spenntir.

Krappetíkrapp

Ég held að aldrei hafi slagorð síðunnar um að aldrei hafi jafn fáir krappað jafn mikið átt eins vel við og nú. Ég er reyndar að hugsa um að skipta út "aldrei" fyrir "sjaldan", enda getur verið stórhættulegt að alhæfa svona á opinberum vettvangi.

Jessssööööríbooobbb

Jesssöríbob

???

Mj?krapp

? dag ger?ist s? merki atbur?ur a? ég flutti heim til m?mmu. Ekki seinna v?nna segja sumir. Langa?i bara til a? deila ?essu me? umheiminum, enda er ?a? nokkur v?st a? hann er stoltur af mér eins og hann leggur sig.

Krapp?

Hvað í krappsins nafni er eiginlega í gangi?

San-Fran krapp

Fyrir þá sem eru staddir á stór-San-Fransisco svæðinu þá gæti þetta verið eitthvað fyrir ykkur.



Þetta á víst að vera Dabbi, en mér sýnist þetta vera einhvert Cosmopolitan Swimsuit Issue módel, þetta getur nú varla verið Davíð.

Mjámjákrapp

Hermenn falla í átökum um flugvöllinn í Bagdad segir Mogginn. Var búist við einhverju öðru spyr ég?

Mamamjámjá

Heja Sverige-krapp

Ljósi punkturinn í skammdeginu þessa dagana er sú staðreynd að Svíabastarðarnir eru dottnir útúr HM.

Hérna er dæmigerð sænsk anal-ýsa um hvað fór úrskeiðis: Aftonsnepillinn

Fréttablaðskrapp

Ánægjulegt að sjá hvað fólk sem ég þekki á auðvelt með að rata á síður hins mikla snepils fréttablaðsins. Fyrst var Nafni orðinn vesturstrandarrappari, síðan varð Berti Stull burtfarinn og nú síðast í gær var því slegið upp á forsíðu að ættarsetrið í föðurættina væri orðið miðstöð kvótabrasks á Íslandi. Ekki amalegt það. Útgerðarmaðurinn (ku vera föðurbróðir minn) gerði nú svosem ekki mikið úr þessu, enda birtist uppföljarinn á blaðsíðu 11 í dag.

Burtfararkrapp

Hef heyrt að gleðidauðarokkshljómsveitin OHGEATH hafi í fyrsta skipti í mannkynssögunni ratað á síður Morgunblaðsins í dag í sambandi við burtför hinns rómaða gítarsnillings Berta Stull Black Mofo.

Þetta er sko ástæða til að fagna (gefið að nafn hljómsveitarinnar hafi verið stafað rétt). Megi Berti burtfarast með sæmd.

United in hate!

www.krapp.org

Jaxlkrapp

Ég held sveimérþá að það þurfi einhver að gefa Atla togarajaxli nýja smásagnasafnið hans Davíðs (þó ekki Franzsonar, harhar) í jólagjöf. Held að það myndi gleðjann mjög.

Sé að Jaxlinn hlekkjar á Krappetíkrappið undir formerkjum að þar sé að finna Villa Stebba, víst er það rétt að vissu leyti, en því má ekki gleyma að Krappetíkrappið er samátak margra margbrotinna einstaklinga, hver með sínar ólíku skoðanir. Er þaggi strákar?

Überskrítið

Fékk þennan überskrítna póst í dag:

Góðan dag
ÜberMofo heiti ég og er að vinna hjá Über ehf..
Erindið mitt er spurning um það hvort að þú tengist Übervegi 5 í
Sandgerði á einhvern hátt.
Vinsamlega svaraðu mér sem fyrst

Kveðja ÜberMofo
sími 1-800-ÜBER
netfang
ÜberMofo@Über.is

Mér þykir þetta hið dularfyllsta mál.

ps. staðreyndum hefur verið hagrætt til að vernda viðkvæmar sálir.

mums...

Listamannsnafnskrapp

Ég hef ákveðið að taka upp listamannsnafnið f. willy að hætti austurstrandarrappara... eða voru það vesturstrandarrapparar? Hú givs a flæíng rats ass.

Mynduð þið vilja fá þennan mann í kaffi?



Er svona á báðum áttum sjálfur, en það kemur í ljós á eftir hvort hann sé húsum hæfur.

Hin barnabók ársins

Vegna fjölda áskorana hefur framhaldið að hinni sívinsælu sænsku barnabók Vari och truckalässan þegar verið gefin út hér á landi.

Hefur hún hlotið nafnið Vari: Truckalässans återkomst och fjallar hún um enn frekari samskipti Vara och hinnar übervärgjörnu truckalässu.

Sem fyrr er það Sigrún Eldjárn sem myndskreytir.

Barnabók ársins

Vari och truckalässan, hin sívinsæla sænska barnabók eftir Juliu Björnsson er komin í verslanir.

Ónefndur aðili sendi mér þessa mynd og bað mig vinsamlegast að koma henni fyrir á Krappinu, að sjálfsögðu var ég við þeirri beiðni.

Hver er maðurinn?

Ég á ammælí dag ég á ammælídag

Etc.

´Mjahahahahaháááááá

Ég á ammælámorgun, ég á ammælá morgun, ich habe geburtstag...umm... nicht heute

Er til betri ástæða fyrir fyrsta krappið í þrjár vikur? Ég held nú síður.

Og eitt kort til viðbótar af johnson-bræðrum

Ví velkomm jú tú ðe kræm sín

Villi frændi mættur í höfuðstaðinn, og eins og gefur að kynna er stuð sem aldrei fyrr hjá halez og Sigríði Sjött.

Myndirnar tala sínu máli.

Überkrapp

Komið glas á hálfsmánaðarlegt krapp.

Svosem ekki mikið nýtt í krappi, en þó get ég upplýst það að ég fékk alveg hrottalegt ofnæmisóþolskast á sunnudagskvöldið, lá andvaka í 5 og hálfan tíma og klóraði mér á öllum mögulegum og ómögulegum stöðum. Það var frekar slæmt krapp.

Það er þó ekki í frásögur færandi nema það, að daginn eftir fékk ég eitthvað ofnæmislyf hjá henni móður minni, sem heitir Clarityn. Það er svosem ekki heldur í frásögur færandi nema það, að Clarityn var einmitt nafnið á hægðalosandi lyfinu í draumnum mínum hér að neðan. Og það er sko hægt að færa í frásögur.

Bangsakrapp

Ætli systir hans halezar eigi eftir að geta leikið sér við hann Simba eftir þessa meðferð... hnjéhnjé.

Hægðalosandi krapp

Mjámjá. Mjámjámjá. Mér tókst að lifa af viku í landi tjalla (ekki erfitt þar sem þeir voru langflestir alltof útúrreyktir til að geta gert flugu mein) og hef snúið aftur til Draugabæjar Dauðans, kallaður svo þar sem þeir einu sem eftir eru í þessum bæ sem ég þekki eru foreldrar mínir. Krapp.

Mér þætti öngvu að síður gaman að fá smá skýringu á einum ákaflega dularfullum draumi sem ásótti mig fyrir nokkrum dögum, en í þessum draumi kom m.a. fram Ragnar Veigar Gvuðmundsson hýperkrappari, sem mér skilst að sé orðinn einhvursskonar búðarblók í höfuðborginni. Mig dreymdi sumsagt að ég ætti afmæli, sem er ekki í frásögur færandi, nema í þessum draumi var ég orðinn háður einhvursskonar róandi lyfjum í töfluformi sem ég tók á hverju kvöldi til að hjálpa mér að sofna (var að sjálfsögðu í afneitun útaf öllu saman). Nú, á þessum afmælisdegi ætlaði ég að gera mér dagamun og fá mér svona töblur, og hringdi þá í dílerinn minn, sem svo skemmtilega vildi til að var áðurnefndur Ragnar Veigar. Við hittumst sumsagt einhvursstaðar og hann lét mig hafa tvær töflur, sem var pakkað inn í svona venjulegar plast-álpappírslyfjaumbúðir. Við skildum að skiptum, og ég byrjaði á því að poppa eina pilluna án þess að lesa hvað stóð aftaná umbúðunum. Þegar ég loksins las það þá komst ég að því að þar stóð eitthvað í átt við "Klarókrapp - Hægðalosandi". Nú duttu mér allar dauðar lýs úr höfði, því þá rann upp fyrir mér að Raggi hafði auðvitað ætlað að gera mér grikk í tilefni af afmæli mínu og selja mér laxerandi í staðinn fyrir róandi. Sniðugur kallinn atarna.

Ég leit þá á hina töfluna og sá að hún var einnig hægðalosandi, en þó af öðru vörumerki. Nú var úr vöndu að ráða, því ég gat annaðhvort látið eins og ekkert hafi í skorist og endað daginn með fjögurra tíma klósettsetu, eða skokkað og ælt upp þessari töflu sem ég var búinn að taka. Þrátt fyrir að mér hefði örugglega ekkert veitt af því að hreinsa aðeins ristilinn, þá tók ég seinni kostinn, og fór að einhverju klósetti (sem var að sjálfsögðu á næstu grösum, allt er svo mikið innan seilingar í draumum), rak hendina á mér ofaní kok þangað til ég ældi einhverri slettu. Þá tók við klósettköfun í sönnum Treinspottíng-anda við að ná í pilluna, og tókst mér að finna hana á endanum. Það síðasta sem ég man er sumsagt ég krjúpandi fyrir framan klósettið, með sælubros á vör og held töblunni sigri hrósandi í axlarhæð með vinstri hendi.

Ef einhver getur ráðið í þetta þá væri það ágætt fyrir þann sama að taka þá ráðningu og troða henni uppí óæðri endann, því eins og alþjóð veit þá eru draumaráðningar bara húmbúkk og vitleysa. Breytir því ekki að þetta var þokkalega súr draumur...

Lundunakrapp

Jamm och jaeja. Thetta innlegg verdur jafnvel enntha meira hipp en venjulega thar sem thad er skrifad i hinni offisjal borg hippsins Lundunum, thar sem jeg sit a einhverju netkaffi (fyrir 120 kr. a timann, teik thatt Dagsson okurbulla), bara ad tjilla og runka mjer eftir yndislega Reading hatid eins og sonnum krappara saemir.

Sa sem finnur mig a thessari mynd faer tuttugukall i verdlaun:



Tharna er jeg einhvursstadar fremst i thvogunni a bestu Weezer tonleikum i manna minnum. rAwK.

Aetli jeg sje ekki einhvursstadar tharna lika:



Enihuw, smella ykkur seinna, most dash eins og tjallarnir segja.

X-krapp

Mæli með því að fólk lesi um samskipti Bobby Hitlers og Einstaklings X.

Kristíankrapp

Hérna er fólk sem finnst Landover Baptist (þetta sem RobbiK setti inn hérna fyrir neðan) ekki fyndið. Þau bjóða upp á mjög fræðandi barnaefni. Fór inná þessa síðu fyrir nokkrum mánuðum og hef varla jafnað mig síðan. Ó hvað ég vona að þetta sé líka grín.

Life Sized Satanic Doll Serves As Masturbation Toy For America's Youth
Þetta er náttúrulega bara snilldargrein: "Jar Jar's soothing voice, and timid childlike manners, seem to lure young teens into a world of lustful abandon."

Húspartíkrapp

Las á imdb.kom (sem eins og mogginn lýgur aldrei) að leikstjóri House party hefði gert myndina sem lokaverkefni sitt í kvikmyndadeild Harvard háskóla. Hversu súrt er það?

Geirakrapp

Var að uppgötva það að ég hafði ekki tékkað á rausinu í Geira í fleiri daga. Ekki nema von að ég sé orðinn svona veruleikafirrtur. Það var alltént hressandi að fá 10 daga skammt í einu beint innum sjónhimnurnar.

Ég hef heyrt af því þegar Geiri og Húgó átu ekkert nema ost heila helgi í Hrísey. Held reyndar að ég hafi flúið eyna þessa helgi eins og flestar aðrar helgar þetta sumar og kontribúteraði það örugglega til þess að ég held brotabroti af geðheilsunni enn þann dag í dag. En hef ég sagt ykkur söguna af því þegar Geiri og Húgó gerðu sér það að leik að leysa vind á herbergishurðina okkar í Hrísey til að athuga hvor skildi eftir litsterkari verksummerki? Þetta sumar í Hrísey er sko gullnáma þegar kemur að sögum, og ég og Geiri gætum örugglega samið bók í sameiningu sem myndi taka það rækilega fyrir. Verst að enginn myndi versla hana nema í mesta lagi Húgó.

Geiri minnist einnig á gullmolann House Party, og segir hana betri í minningunni. Ég leigði mér líka þessa mynd um daginn (sem hluta af einhverju svona "fjórar nýjar og átta gamlar í sjö daga fyrir fimmtánhundruðkall"-tilboði) og það litla sem ég sá af henni (og það í fyrsta skipti) þótti mér algjör snilld. Örlí næntís afrískir ameríkumenn í skræpóttum fötum að hlusta og flytja mesta krapprapp mannkynnssögunnar? Gerist ekki betra iff jú ask mí.

Jessöríbob-krapp



3 dagar þar til haldið verður íann. Mumms..

ÞEIR ÁTTU AMMÆLÍDAG
ÞEIR ÁTTU AMMÆLÍDAG
ÞEIR ÁTTU AMMÆLI VARI FRÆNDI OG ROBBIK
ÞEIR ÁTTU AMMÆLÍDAG

HANN Á AMMÆLÁMORGUN
HANN Á AMMÆLÁMORGUN
HANN Á AMMÆLANN VARI FRÆNDI
HANN Á AMMÆLÁ MORGUN

Verslókrapp

Alþjóð komin í fruntalegt verslóstuð, og þá býður D.B. Franzson til geims að heimili sínu í neðanverðum Hamarstíg í kveld, föstudag. Sá sem deyr fyrstur brennivínsdauða fær glæsileg verðlaun, 50 kr. úttekt í búðinni þar sem allt kostar 200 kall. Múhaha.

Valþórssonsammælis-andkrapp

Mjá. Krappetíkrappið óskar Hjalta Valþórssyni innilega til hamingju með ammælið, sem var í gær að staðartíma. Óskirnar verða enn innilegri þar sem mér hefur ekki tekist að hitta þann dreng í fleiri ár. Einhver verður nú að fara að bæta úr því.

Hallæris-krapp

Vari frændi á lög að mæla. Krappið er ekki svipur hjá sjón. Ég gæti reyndar skrifað um fruntalegt svallpartí Skaufadeildar Krappetíkrapps, sem var haldið að heimili halezar í Fellabæ ekki alls fyrir löngu. Þar mættust Farbror Willy, RobbiK og halez í fruntalegri ölvun eins og ekkert hefði í skorist. Perluvinirnir Banna Hlandon og Flóki fengu einnig að slást með í för. Eftir að hafa þrætt alla pöbba Austur-Héraðs var ferðinni haldið á dansiball með kommbakkhundunum í Djett BlAcK DjÓ. Það var mjög ánægjulegt, sérstaklega í ljósi þess að gítarleikarinn var svo útúrfreðinn af neyslu einhvers óþverra að hann höndlaði gjörsamlega ekki að spila á hljóðfærið sitt. Stóð bara glottandi uppá sviðinu eins og einhver lúði og gerði heiðarlega tilraun til að glamra eitthvað, en það heyrðist ekkert þar sem rótararnir voru greinilega vanir þessu og löngu búnir að þagga niðrí maggnaranum hans. Því fór sem fór, og því kom nýr gítaristi inná í hléi, einhver lókal boj sem þurfti að læra öll lögin í ríltæm. Ekki amalegt það.

Já. Ég gæti sumsagt sagt frá þessari ferð, en ég er viss um að enginn myndi nenna að lesa það, nema mögulega Örvar. Kannski ekki furða miðað við hans fruntalega bleyjublæti.

Mjámjá?

Akureyringum fjölgaði enn meira í gær þegar ég gerði mér lítið fyrir og rölti niðrá bæjarskrifstofur í þeim tilgangi einum að segja að ég væri mættur á svæðið. Gleymdi að vísu að taka eitthvað vottorð með mér frá Svíaríki sem gerir það að verkum að það tekur án efa fleiri ár fyrir þessar fruntalegu breytingar að rúlla í gegn, en ég er svosem ekki að flýta mér frekar en fyrri daginn.

Lénkrapp

Ég verð nú að viðurkenna að ég öfunda RobbaK örlítið yfir að vera með svona últrahipp lén sem er vel prenthæft á allskyns bissnesskort af öllum stærðum og gerðum. Það er því metnaður minn að koma mér upp einu slíku. Mér dettur helst í hug lénið www.fulluríeiginælu.com þar sem yrði helst að finna myndir af mér og minni fjölskyldu í annarlegum ástöndum (jafnvel hætt við því að ég sýni brjóstin eins og er víst svo móðins nú til dags). Þyrfti samt helst að sofa á því.

Krappkrapp

Hápunktur dagsins var í hádeginu þegar ég hamsaði vinnufélaga minn í hinni fornu íþrótt bobbb, en við eigum það til að taka "einn snöggan" (nötsj nötsj sei nó mor sei nó mor nó vott æ mín nó vott æ mín) eftir að hafa belgt okkur út af norðlenskum krásum. Eftir það hefur leiðin legið beina leið til helvítis og er það hið mesta krapp.

Ég er þó alltént nokkuð góður í að finna Valla.

ARGASTA SNILLD-KRAPP!

Ég gæti sleikt á þeim eyrað sem datt í hug að færa saman tvö af merkustu menningarfyrirbrigðum samtímans, Weezer og Prúðuleikarana.



Þetta er óendanlega langbesta myndband sem nokkurntíman hefur verið gert!

Eftir 39 daga, 16 tíma og 21 mínútu verður rokkað feitt. Vonandi taka Weezer froskinn með.

Dýrakynlífskrapp

Þetta er snilld. Einhvurntíman minntist ég á það að einhver aum sál hefði farið inn á Krappetíkrapp eftir að hafa slegið inn leitarorðið "animalsex" á leit.is. Nú var ég aftur að kíkja á teljarann, og sá þá að einhver önnur (eða kannski sama?) aum sál hafði farið inná Krappetíkrapp eftir að hafa slegið inn skilyrðið "animalsex instructions" á google.com. Þessi sál toppar þokkalega hina í ömurlegheitum þar sem hún virðist þurfa á leiðbeiningum að halda við dýrakynlífið. Hvursu paþetískur getur einn pervert orðið?

Það sem bætir enn á kátínuna er að Krappetíkrapp kom upp einmitt af því að ég hafði verið að minnast á hitt skiptið þegar hún kom upp. Það virðist því sem ég sé búinn að koma af stað keðjuverkun sem verður til þess að Krappetíkrappið verður helsti viðkomustaður þeirra sem sækjast eftir grafískum lýsingum af samlagi manna og dýra. Gúddígúddí.

Gúrkutíðarkrapp

Mjámjá. Það er gott að fá viðurkenningu bæjarstarfsmanna fyrir störf sín. Ég veit samt ekki alveg hvernig ég á að taka þessari nafnbót, þar sem starfsmaðurinn segir að það sé "orðin algjör og hræðileg kvöð að þurfa að hugsa upp einhvern vitleysing til að gera mann vikunnar" fjórum sekúndum áður en hún ákveður að Villi frændi hljóti nafnbótina að þessu sinni. Hömm. Það er leiðinlegt að það skuli vera hálfgerð gúrkutíð í tilveru starfsmannsins, og þá er gott að vita til þess að það sé hægt að grípa í mig sem gúrku þegar þannig stendur á.

Ég vil hinsvegar leiðrétta smávegis sem að kemur fram í máli bæjarstarfsmannsins:

- Ég er ekki enn útskrifaður frá þessum blessaða skóla. Á einn skitinn áfanga eftir sem einhverjar gamlar lúðalegar syndir síðan í fyrra. Það massast samt á næstu misserum, óþarfi að flýta sér um of.
- OHGEATH er stafað með hái.
- Ég vil meina að trúarbrögð sé hægt að svipta yfir í eintölu og tala þá um trúarbragð. Molinn er sumsagt eitt trúarbragð af mörgum mögulegum.

Nú vona ég bara að ég nái að verja titilinn að viku liðinni. Ætti að fá nokkra plúsa fyrir að hafa eytt u.þ.b. 9 tímum samanlagt á caffi carólínu þessa helgina, og þá mest að degi til þar sem ég og Hrafnkell höfum setið maraþonsetu í tvígang og spilað alveg fruntalega mikið jatsí. Rokk on.

Tímakrapp2

Ég er líka á sænskum tíma.

Tímakrapp

Þessi síða er ennþá á sænskum tíma. Best að halda því þannig til að viðhalda sérstöðu okkar á veraldarvebbnum.

Gleðikrapp

Þessi vefsíða var valin áttundi heitasti staðurinn á veraldarvebbnum í nýlegri könnun. Til hamingju með það allesammens. Gæti kannski verið tengt því að bæjarstarfsmaðurinn hefur ekkert minnst á Krappetíkrappið síðustu daga.

Best er að vara Akureyringa og nærsveitúnga við, þar sem að partídýrið halez er á leiðinni í bæinn til að mála hann í ankannarlegum litum. Mikið gleðiefni, og verður sú heimsókn án efa dokjúmenteruð.

Ekki skánar það þegar tillit er tekið til þess að Franzsonur er einnig mættur á svæðið, ferskur úr djöflabælinu henni Kaliforníu. Hvar endar þetta?

Popp-tíví
Fyrr í kvöld fékk ég SMS skeyti svo hljóðandi að ég hefði verið á Popp-tíví, ekki alveg í edrú. Það mun sem sagt hafa verið ástæða til að sýna mig, ásamt Jóa og Geira í afgerandi ölæði á Glaumbar um síðustu helgi. Allavegana held ég að staðurinn hafi verið Glaumbar, hver er ég að dæma. Einhver ung hnáta, sem Vari frændi þekkir, kom með nokkur eintök af Morgunblaðinu inná áðurnefndan skemmtistað og var Geiri svo sniðugur að búa til hatta úr blaðinu og ekki leið á löngu þangað til fólk var farið að koma upp að okkur og biðja um svona hatta. Hressandi.
Ljóshærður maður með of mikið hár og brúnkukrem ásamt myndavél var einn af þeim sem að mætti á svæðið og Jói var ekki lengi að grípa í míkrafónin og lýsa stemningunni. Ekki heyrði ég hvað þeim fór á milli en Jói ku hafa staðið sig vel.

Ef einhver er svo heppinn að taka upp Popp-tíví þá má hinn sami koma þessu á stafrænt form og senda okkur krappinu linkinn. Eða kannski ekki!

Djísös-krapp

Það þyrfti kannski að gefa út svona "Mementó for dömmís" bók. Annað eins fattleysi hef ég ekki séð á minni kólesterólmettuðu ævi (æfi?? Argh). Og ég allavega fæ ekkert sumarfrí, þetta er hreint út sagt skróp hjá mér. Hana, þá er búið að svara bæjarstarfsmanninum fyrir þann daginn.

Vaginal stíla-krapp

Vari á þakkir skyldar fyrir þessar grafísku lýsingar hér að neðan. Meira svona.

Ása var eitthvað að væla fyrir nokkrum dögum, en svona netdagbókarskrif fyrnast (firnast? fyhrnast? hef verið of lengi erlendis) ábyggilega á 24 tímum þannig að ég nenni ekki að eyða púðri í hana. Eða jú annars, berst að beina þessu til hennar: Óendanlegur spegill, ekki hægt að gera meira í öllum alheimunum, óendanlegt óendanlegt. Einnig óendanleg spegilvörn (ekki hægt að gera meira í öllum alheiminum, alls ekki hægt að gera meira) sem að gerir það að verkum að allir þeir speglar sem að þú reynir að setja upp sem gagnspeglun á mína speglun verða óvirkir. Og þú getur bara sjálf verið fruntaleg. Hah!!

Mjámjámjá-krapp

Ekki mikið um tjáningu hér undanfarið, enda varla ástæða til annars. Kominn í kuldann, byrjaður að vinna, krapp. Og ólíkt sumum þá er ég ekki bæjarstarfsmaður og get því ekki verið að tjá mig hérna í tíma og ótíma á eðlilegum vinnutíma.

Vari frændi hefur eitthvað verið að tjá sig fyrir nokkrum dögum, en hefur ekki massað pakkann till fullnustu með því að ýta á pöbblisj. Tölvukunnátta hefur aldrei verið sterkasta hlið ættar vorrar. Ætli það sé ekki komið glas á að ráða bót þar á.

Og sama databasvillan hefur verið á síðunni hans halez núna í þrjár vikur. Hvað er drengurinn að hugsa?

Öltimeit krapp

Undirritadur yfirgefur Riki Svianna eldsnämma i fyrramalid og planerar ej ad återkomma i bråd. Blendndar tilfinningar i gangi.

Nu geta åhugasamir nålgast lokaverkefni Farbror Willy og RobbaK å veraldarvefnum, i hinu storkostlega kryptiska PostScript formati.

Farbror Willy - RobbiK.

Fruntaleg gledi.

XXXXXXjobbseinkunnkrapp

Var að fá póst frá prófdómaranum mínum með resultatinu úr lokaverkefninu mínu, og ég er bara þónokkuð sáttur. Fékk "VG", sem gæti útlagst á íslendingamáli sem "náði og vel það". Á íslandsskalanum er þessi einkunn á bilinu 7,5 til 10, þannig að það er spurning hvar ég hefði lent á þeim skala. Þetta er allavega gott kvót úr umsögninni:

"En styrka hos rapporten kan sägas vara att den saknar egentliga svagheter"

Nú er heppilegt að dusta rykið af gömlu góðu Skandínavísku-Íslensku orðabókinni. Mér reyndar fannst þetta vera ósköp ómerkilegt sem ég gerði, en það er ánægjulegt að sá er verkið dæmir skuli hafa þótt það viðunandi. Mont mont.

Ekki gaman að sjá á eftir öllu draslinu sínu í hendurnar á einhverjum skítugum Svía. Vona að það komist heilu og höldnu uppá klaka.

Glaskrapp

Komið glas á helv. tölvuna. Adiós mina vänner.

Hotpixxxxkrapp

Mér tókst að massa setja-krappmyndirnar-inní-tölvugreyið-pakkann, og hér er afraksturinn:



Þarna eru Farbrorinn og Berti Stull Black Mofo mættir á svæðið ásamt Judith hinni Swisslendsku. Schmella má á myndina til að fá meira krapp beint í æð.

17. júní og lifrarkæfukrapp

Ég hélt uppá ammæli Nonna S. með því að skreppa til Gautaborgar í örskamma stund með honum Berta Stull Black Mofo og nýtilkominni swissneskri unnustu hans, henni Judith. Það var einkar ánægjulegt eins og gefur að kynna, og ef tölvan mín hættir þessum mótþróa þá gætu birst hér nokkrar myndir frá þeim fagnaðarlátum.

Nú er ég í sömu stöðu og BertiK var í fyrir viku, þ.e. að pakka saman krappinu mínu. Fer að líða að því að tölvugreyið mitt hverfi ofaní kassa, og þá get ég einnig kvatt þessa yndislegu sítengingu sem við fáum fyrir þúsund kall íslenskar á ári.

Það fer einnig að líða að því að ég þurfi að taka ákvörðun varðandi lifrarkæfuna. Eins og ábyggilega 6% þeirra sem til mín þekkja vita, þá hefur það verið lamið í mig frá barnsaldri að Kaupfélagið sé það Eina Rétta, og allir meðlimir Sláturfélags Suðurlands séu bara kommúnistar sem nota gamalt fólk og stígvél í vínarpylsurnar sínar. Þegar ég flutti að heiman til framandi lands hefur föður mínum sennilega þótt heldur súrt í bragði að sonurinn skuli ekki hafa 24/7 aðgang að Kaupfélagsvörum, og laumaði hann því einni og einni lifrarkæfudollu frá Kjötiðnaðarstöð KEA með innanum allar kleinurnar ef móður minni langaði til að senda mér einhvern glaðning. Ég tók á móti lifrarkæfunni og kleinunum með bros á vör, og voru kleinurnar mjög fljótar að hverfa ofaní mig (og aðra sem að þorðu að smakka þetta exótíska bakkelsi norður úr Barentshafi). Þar sem að lifrarkæfan var merkt "Best fyrir annan áratug tuttugustu og fyrstu aldar" þá lá hins vegar ekkert á því svosem að slátra henni, og því hafa málin þróast þannig að ég er búinn að koma mér upp nokkuð dágóðu safni:



Nú er spurningin, hvað í fjandanum á ég að gera við alla þessa lifrarkæfu? Eftirfarandi möguleikar eru í boði:

a) Étið fimm dollur af kæfu fyrir föstudaginn, en þá fer ég heim og nenni ekki að vera að burðast með fullt af dollum með mér. Er með nógu þungt hlass fyrir.
b) Stofnað delikatess-sölubás fyrir utan húsið mitt og selt krappið á 100 SEK stykkið.
c) Hent þeim.

Tillögur eru vel þegnar vía kommentmekkanisman, ellegar gästabókina.

Meira af myndbandakrappi

Var að koma frá honum Rúnari þar sem við gláptum á hina yndislegu mynd "How to make a monster" (sjá neðar) í sameiningu. Eins og við var að búast var þetta alveg snilldar bé-mynd frá helvíti. Rúnar greyið fannst hún reyndar algjör tímasóun, en ég er öngvan veginn sammála honum. Í alla staði fruntaleg mynd með fallegum boðskap. Get ímyndað mér að hún sé sérstaklega skemmtileg fyrir næstum-því bé-ess lúða í tölvuvísindum eins og jors trúlí. Mæli með því að fólk skokki út á leigu og láni þessa ræmu undir eins.

Myndbandakrapp



Ég kom við á minni lókal vídeóleigu áðan, þar sem ég taldi mig þurfa smá afþreyingu innanum allt pakkandið. Ég sá fljótt að ég hafði um tvennt að velja hvað varðaði afþreyingarefni til útleigu. Fyrst ber að nefna kvikmyndina "Teenage Caveman", sem mér sýndist vera einhvers konar samblanda af Leitin að eldinum og Amerikan Pæ. Hinn valkosturinn var vísindaskáldsögutryllirinn "How to make a monster", sem fjallar um þróun á ofbeldisleik sem "fer hræðilega úrskeiðis þegar sterk rafmagnsafhleðsla gerir það að verkum að harði diskurinn lifnar við og fær sína eigin meðvitund" (lauslega þýtt úr svíamáli). Valið var að sjálfsögðu erfitt, en á endanum varð seinni kosturinn fyrir valinu, enda er ég með vægt blæti fyrir hugsandi hörðum diskum. Ég mun rapportera um gæði myndarinnar þegar á líður.

Hultsfred/Slayer-krapp

Eins og alþjóð veit, þá er Hultsfred tónlistarhátíðin á fullu skriði á þessu augnabliki einhvursstaðar í Svíþjóð þar sem ég er ekki (ég var að velta því fyrir mér að fara með nokkrum svenskum bekkjarfélögum mínum, en síðan varð þessi hérna fyrir valinu í staðinn). Ein sjónvarpsstöðin hérna í Svíaríki sendir beint frá hátíðinni og hef ég verið að horfa með öðru auganu á misgóðar hljómsveitir í imbanum á meðan hitt augað pakkar, mestallt einhverjar tiltölulega krappí sænskar indírokkpoppkrappsveitir (þó þessi hafi reyndar verið mögnuð). Í kvöld var hin geðþekka spíd/trasj/geðveikismetalhljómsveit Slayer sem hélt uppi stuðinu. Ég auðvitað varð að dokjúmentera þennan viðburð, þrátt fyrir að blæti mitt fyrir dokjúmentasjón hafi óneitanlega dvínað nú þegar halez og RobbiK eru báðir horfnir heim á leið. Þetta er þokkalegur þungarokksfartur, með assgoti litlar lappir:



Verst að ég sá þetta gigg svona cirkabát 10 árum of seint, á þeim tíma hefði ég án efa verið þokkalega slefandi yfir þessu. Ágætis skemmtun öngvu að síður, þó hjartað í mér hafi þurft að hafa mikið fyrir að höndla þetta.

Justin og Brittnei-krapp

Ferskar fréttir af Britttnei í boði aftonblaðsins.se. Maður ætti kannski að reyna að fá númerið hjá Justin.

Uppdateríngarkrapp

Hin geðþekku sistkini [sic] Dr. Kingo og María K. Steinsson hafa ekkert uppfært vefsetur sín síðastliðinn mánuð. Ég fer að hafa áhyggjur af þessu fólki, fyrri verk þeirra eru ljós í tilveru minni sem netsörfara, og það væri synd ef þau ljós myndu slokkna. Ó, en ljóðrænt. María K. yrði stolt af mér.

Bobby Hitler-ferskt krapp

Vil minna fólk á ferskan pistil Berta Stull um samskipti sín og útsendara vísindakirkjunnar á vefsetri Bobby Hitler. Merk skrif þar á ferð.

Fótboltameiðslakrapp

Ég var í bolta með nokkrum Íslendingum áðan, og tókst að strauja einn leikmann hins liðsins með augntóftinni, með þeim afleiðingum að ég fékk allsæmilegan marblett á kinnbeinið. Nokkuð svalt krapp. Ætti að geta nýtt mér þessi meiðsl til að koma mér framar í röðinni á Spy Bar í Stockhólmi (staðhæfist sem "Astró í Reykjavík" fyrir ókunnuga).

Magisterkrapp

Var rétt í þessu að fá bréf:

"Du har blivit antagen till programmet Forskningsinriktad fördjupning i datavetenskap, 50p."

Mjahahá. Fyrir þá sem ekki skilja norðurlendsku, þá þýðir þetta að ég sé antekinn á prógrammið fyrir rannsóknarinnriktaða dýpkun í tölvuvísindum sem er fimmtíu sænskar einingar að umfangi. Gaman að því. Verst að ég nenni ómögulega í dagsleginu að læra hérna í eitt ár í viðbót þannig að ég verð víst að hafna þessu kalli.

Var einnig að fá tilboð frá Eimskipafélagi Íslands í flutninginn á krappinu mínu. Það er ekki beint ódýrt að flytja.

Krækja dagsins

www.ertumeðherpes.nu. Algjör skylduheimsókn.

Mamma-á-ammæli-antíkrapp

Nú dregur sko aldeilis til tíðinda. Mér voru rétt í þessu að berast fregnir af því að hún síunga móðir mín ætti ammæli. Verst er að ammælið atarna átti sér stað í tíma og rúmi fyrir 2 dögum síðan. Hoppsan. Svona er að vera sífellt-pissfullur stúdent í útlöndum, minnið á það til að bregðast. Ég bakaði alltént sýndarköku handa henni í tilefni dagsins:



Efast reyndar að hún móðir mín lesi þetta krapp reglulega (og vona af öllu hjarta að svo sé ekki), en ef einhver rekst á hana á förnum vegi uppá klaka þá má sá einstaklingur skila því til hennar að ég hafi alltént sýnt smá viðleitni.

Aftenging
Jæja, þá er komið að því að pakka tölvunni og taka netkapalinn úr sambandi...sem þýðir engin meiri feit nettenging sem ég hef notið hér síðustu þrjú ár. Næst er bara að borga aldeilis of mikið í einhverjar "feitar" nettingingar á Íslandi, sem eru samt sem áður krapp miðað við þessa sem ég er um það bil að fara að plögga úr sambandi. Krapp.

Enn af mýflugubitum-krapp

Er kominn með ferskt kýli á stærð við blakbolta á upphandlegginn. Datt bara í hug að halda umheiminum uppdateruðum.

Britney-krapp

Britney Spírs-frétt dagsins er í boði aftonbladet.se.

Mjámjámjá-krapp

Timburmannasunnudagsútgáfan lét aldrei sjá sig, en ég redda því með því að hafa timburmannaþriðjudagsútgáfu í staðinn (má maður vera í sumarfríi...). Krappið síðastliðið laugardsgskvöld er svosem ekki í frásögur færandi nema hvað að halez tókst að hnupla einni rauðvínsflösku á einu öldurhúsi Skaufabæjar. Reyndist það vera hápunktur kvöldsins. Í krappi er þetta annars helst að halez hefur númera yfirgefið mig og skilið mig eftir í klóm Dr. F og heitkonu hans. Gvuð einn veit hvernig þetta á eftir að enda. Ég yfirgef reyndar Skaufabæ einhvurntíman í lok næstu viku, þannig að það er sennilega hollráð að fara að huga að undirbúningi þess. En þangað til ætla ég að spila ofbeldisleiki þangað til ég æli. rAwK.

Bananakassakrapp
Það er nú orðið heldur langt síðan að ég hef krappað, ástæður þess er aðallega eftirtíðarspenna eftir lokaverkefnið og að familían mín er hér og 87.5% af orku minni fer í að entertaina þeim.
Núna er samt komið að því að ég ætla að byrja að pakka krappinu mínu, það kemur bíll á miðvikudaginn að sækja það og það skipast burt á föstudaginn. En til að flytja þá þarf maður kassa, og í Svíþjóð er greinilega allt flutt í bananakössum því það virðist næstum ómögulegt að fá aðra tegundir af kössum heldur en bananakassa. Ekki þykir mér gæfulegt að nota bananakassa undir millilandaflutning, þar sem þeir eru bæði holóttir og þunnir.
Þykir mér þetta hið mesta krapp.

Yndiskrapp

Ágætis krapp í kvöld hjá Skaufadeild Krappetíkrapps. Meira um það í timburmannasunnudagsútgáfunni.