Þetta Menntamálaráðuneyti hefur ekki verið svipur hjá sjón síðan afi gamli réð þar ríkjum in ðe sevventís.

Ég minntist á það í fyrri skrifum mínum að ég væri að fara að fá mér morgunmat. Ekki var það alveg rétt, enda klukkan að verða langt gengin í sjö að kveldi til á þeim tímapunkti. Ég fékk mér hinsvegar kvöldmat, og samanstóð hann af glóðarsteiktu matarbrauði með hleyptri undanrennu. Það rann vel niður.

Í tilefni af því ætla ég að deila með ykkur einni uppskrift:

Vatnsblönduð svínafita í pylsuformi fyrir einn

Hráefni:
2-3 vínarpylsur í lengri kantinum ("varmkorvar" frá Scan fúnka útmerkt)
2-3 nýbökuð pylsubrauð, ca. 2/3 af lengd pylsnanna.
1 rauðlaukur
1 rauð paprika
1 græn paprika
300 gr KEA brauðostur (eða annar ostur eftir schmekk)
2 dl tómatsósa
2 dl sinnep
2 dl steiktur laukur (danskur)
2 l gvendarbrunnvatn

Leiðbeiningar:
Hellið vatninu í pott, sem þarf að vera u.þ.b. 3/4 af lengd pulsnanna að ummáli. Setjið pylsurnar ofaní, og beygið þær eilítið ef þarf. Setjið pottinn á hellu á fullum farti. Bíðið í 4 1/2 mínútu eftir að fer að rjúka af vatninu, og takið síðan pottinn af hellunni. Pylsurnar eiga ekki að sjóða. Gott er að slökkva á hellunni á þessum tímapunkti.

Á meðan pylsurnar hitna má huga að undirbúningi, svosem að saxa rauðlaukinn og paprikurnar.

Setjið lag af osti í botninn á pylsubrauðunum. Vermið síðan eitt þeirra í örbylgjuofni á fullum styrk í ca. 11 sekúndur eða þar til osturinn er orðinn gullinbrúnn. Takið síðan eina heita pylsu og leggið í pylsubrauðið ofan á ostinn, þannig að jafn mikið af pylsunni stendur út úr brauðinu sitt hvoru megin. Setið eina rönd af tómatsósu öðru megin við pylsuna í brauðinu og aðra rönd af sinnepi hinum megin við pylsuna. Raðið síðan rauðlauk og steiktum lauk ofan á og meðfram pylsunni. Endið með að skreyta með paprikubitum, gjarnan nokkrum af hvorum lit til að ná ætluðum útlitsáhrifum. Berið pylsuna strax fram, til dæmis með glasi af vatni. Endurtakið þetta ferli fyrir hverja pylsu rétt áður en á að neyta hennar.

Smakklega máltíð.