UNITED IN HATE

Get ekki skrifað komment þannig að ég verð hreinlega að svara honum Ragnari hér að neðan með glænýjum krapppósti. Það er víst satt að aðstandendur þessa ágætu síðu hafa loksins gert sér grein fyrir því hversu mikil snilld OHGEATH er. Hitt er annað mál að ég kom ekki nálægt þeirri aðgerð að gera þeim grein fyrir því, og því er það mér hulin ráðgáta með hvaða leiðum Tilverufólkið fann hina opinberu heimasíðu OHGEATH. Það er hreinlega hið besta mál að OHGEATH fái loksins þá athygli sem hún á skilið. Þess má geta að upptökur hefjast bráðlega á fyrstu breiðskífu sveitarinnar á samningi hjá stóru útgáfufyrirtæki, og hefur hún hlotið nafnið "OHGEATH 4ever". Smá gleðidauðarokksbojband fílíngur í gangi í þetta skiptið.

Á meðan ég man, þá tók ég mig til og lagaði brotnu tenglana á OHGEATH síðunni sem áttu að vísa á tóndæmi með hljómsveitinni. Þannig að nú getur hver sem er sem hljóðkort hefur notið OHGEATHSINS til hins ítrasta, í vægast sagt fruntalega ohgeathslegum hljómgæðum. Þannig að smellið hér. Ég var reyndar fyrir tilviljun byrjaður að fixa þetta áður en hljómsveitin varð aðalnúmerið í flestöllum fjölmiðlum landsins.