Maiden-undirbúningskrapp



Síðan hinu góðu fréttir litu dagsins ljós hef ég ekki setið aðgerðalaus. Búinn að hlusta á Live after death: The World Slavery Tour '84-'85 oftar en góðu hófi gegnir, og spændi mig í gegnum "Run to the hills: The authorised Iron Maiden biography" á þremur dögum. Þar af leiðir að ég er þokkalega vel með á nótunum hver hefur sofið hjá hverjum, af hverju hinir og þessir hafa hætt í fússi og hverjir eru í fýlu við hvern.

Einnig tók ég mig til og sneri starfsmannapartíi síðustu helgar upp í allsherjar Maiden-orgíu þegar líða tók á kvöldið (vildi svo skemmtilega til að gestgjafinn átti fyrstu 5 breiðskífurnar á snarkandi vínyl).

Framtíðin er björt.

Gönguskíðakrapp

Í tilefni af því að þögnin hefur á annað borð verið rofin þá er ekki ástæða til annars en að gera það með stæl með lítilli skemmtisögu.

Einn fagran sunnudagsmorgun fyrir nokkru síðan þá ákváðum við Hanna að fara á gönguskíði. Færi var ágætt. Þó gleymdi ég að nota viðeigandi áburð, sem gerði það að verkum að rennsli var ekki eins og best verður á kosið. Þó renndum við okkur í góðan klukkutíma. Núna hefur hins vegar hlánað og er ekki útlit fyrir frekari gönguskíðaiðkun í bráð.

Þetta finnst örugglega engum skemmtileg lesning, nema þá helst honum Vara frænda mínum og öðrum líkt þenkjandi öfuguggum.

KASSMÆER

Ef að þetta er ekki ástæða til að rjúfa þessa þrúgandi þögn á Krappetíkrappinu sem án efa hefur plagað æsta lesendur undanfarnar vikur þá veit ég ekki hvað.

Þegar Iron Maiden spiluðu í Laugardagshöll '91 eða '92 þá leyfði karl faðir minn mér ekki að fara sökum aldurs. Spurningin er: mun hann leika sama leikinn í þetta skiptið? Tjún inn nexxxt vík for mor njúws.

Ég er alltént mjög glaður maður í dag.

Getraun vikunnar-krapp

Getraun vikunnar á Krappetíkrappinu er eftirfarandi: Úr hvaða íslensku dægurlagaperlu er þessi hending?

Eftir 23 milljónir ára
verður sólin búin að brenna öllu sínu vetni
þá byrjar hún að stækka
sem rauður hnöttur
og brenna helíum
stækkar og gleypir jörðina
brennir og svíður jörðina

Spurningin er: Af hverju erum við að gera afkomendum okkar þetta að?

Þetta er nú skrifað eftir minni þannig að þetta er örugglega ekki eitt hundrað prósent rétt. Ég heimta rétt svör.

Krappkrapp?

Ég bið þá lesendur Krappetíkrappsins sem efast höfðu um framtíð þess vinsamlegast að róa sig, því Krappetíkrappið er alls ekki dautt úr öllum æðum. Uppi eru metnaðarfull áform um að breyta þessu vefsetri í afþreyingarmiðpunkt veraldarvefsins með ítarlegri 5 ára áætlun.

Ég reyndar lýg því, þetta verður örugglega síðasta færslan hérna fyrir jól. Og þó segi ég það ekki.

Ultimate v. 2.2.0.1

Komst að því mér til mikillar skelfingar í gær að það var krítískur böggur í nýjustu ULTIMATE 10.000 útgáfunni, sem leiðir til tómra leiðinda ef einn leikmaður notar músina og annar leikmaður notar lyklaborðið. Var ég því tilneyddur til að setja plástur á bágtið, og er sá plástur nú tilbúinn til niðurhals á opinberu heimasíðunni.

Mæli ég með að þeir þúsundir æstra Krappetíkrappslesenda sem hafa þegar halað niður útgáfu 2.2.0.0 taki sig til og hali einnig niður hinni gríðarfersku útgáfu 2.2.0.1.

LOKSINS LOKSINS 



Núna er loksins komið að því sem æstir lesendur Krappetíkrappsins hafa beðið eftir í ofvæni, ný útgáfa af hinu sívinsæla teningaspili ULTIMATE 10.000.
 
Það sem er nýtt í útgáfu 2.2 er eftirfarandi:

• Glænýir raddskapgerðarmódúlar þar sem Hrafnkell Brynjarsson bregður sér í hlutverk Færeysks þjóðernissinna og Málhalts Þjóðverja. Heyrn er sögu ríkari.
• Gríðarlega raunverulegir teningakasts-hljóðeffektar fyrir þá sem af einhverjum ástæðum vilja ekki nýta sér raddskapgerðarmódúlana.
• Hægt er að kalla fram tölfræði leikmanns á hverjum tímapunkti með að hægri-smella á nafn hans, þar sem meðal annars kemur fram KpG hlufall leikmanns (KlikkPerGer, gott að hafa sem lægst KpG hlutfall).
• Í lok leiks koma tölfræðiupplýsingar allra leikmanna fram ásamt niðurstöðum leiksins.
• Stillingar í leiknum (t.d. hágmarksskor) haldast ef leikurinn er endurræstur.

Þannig að hendist yfir á opinberu ULTIMATE 10.000 heimasíðuna og njótið þessarar frábæru uppfærslu.

Í tilefni af uppfærslunni er einnig hægt að hala niður ULTIMATE 10.000 laginu sem Robert Lusifer Speed galdraði fram úr erminni, en hann er betur þekktur sem hinn hressi leiðgítarleikari gleðidauðarokkshljómsveitarinnar OHGEATH. Þetta lag hefur reynst hljóma best í Windóws Media Player (eða einhverjum Linuxxx spilara), Winamp er ekki alveg að meika það. Þarna er frábær rokkari á ferðinni.

Meira ULTIMATE öppdeitskrapp

Til að gera spennuna óbærilega fyrir lesendur Krappetíkrappsins þá get ég avslöjað að í vikunni er von er á nýrri útgáfu af "besta teningaspili sögunnar", þ.e. ULTIMATE 10.000.

Í þessari útgáfu hefur verið bætt við gríðarlega öflugum módúl sem sér um að reikna ýmsar tölfræðiupplýsingar um köst einstakra leikmanna, t.d. meðalskor í hverju geri og meðalfjöldi teningakasta í hverju geri. Einnig hefur verið bætt við nýjum raddskapgerðarmódúlum, þar sem notandinn getur nú einnig valið um að spila sem "Málhaltur þjóðverji" eða "Færeyskur þjóðernissinni". Það var lingvistinn Hrafnkell Brynjarsson sem sá um að ljá þessum persónum röddu sína áður en hann hélt á ný út í óvissuna til meginlands Evrópu.

Samhliða nýrri útgáfu mun verða opnað fyrir niðurhal á "ULTIMATE 10.000 laginu" sem er rokkslagari af bestu gerð úr smiðju gítarhetjunnar Robert Lusifer Speed, betur þekktur sem leiðgítarleikari gleðidauðarokkssveitarinnar OHGEATH.

Það er því nokkuð ljóst að aldrei í sögu mannkyns hefur nýrrar útgáfu tölvuleiks verið beðið með eins mikilli eftirvæntingu. "Doom 3 ít jor hart át".

Framkvæmið því reglulega endurhlaðningu á krapp.blogspot.com eða ultimate.halez.net þar til sannleikurinn opinberast...

Dark Tower-krapp



Komið glas á nýtt krapp, án efa æstum áhangendum Krappetíkrappsins til mikillar gleði. Krappið að þessu sinni er bókmenntalegs eðlis, þar sem ég var nýlega að ljúka við bók nr. 6 í Dark Tower seríu Stephen King. Lesendur Krappetíkrappsins eru hvattir til að kynna sér þessa mögnuðu seríu, hún er á góðri leið með að klífa upp að hlið Lord of tha ringz sem uppáhalds bókasería Krappetíkrappsins. Eina sem má finna þessari síðustu bók til foráttu er að hún er alltof stutt, en sem betur fer er ekki nema nokkurra mánaða bið eftir þeirri næstu, sem verður sú síðasta...

Algjört f***íng myrkur-krapp

Engum að óvörum þá spilar hljómsveitin Totalt jävla mörker þokkalegan harðkjarna dauðans. Sýnist þeir vera nokkuð hressir í textagerðinni.

Rasist i uniform

Att skjuta invandrare i ryggen
Döms inte i Sverige som ett brott
Mannen som avlossade skottet
Är nu tillbaka på sitt jobb

Rasister på gatan i polisuniform

Poliskåren slåss för sitt tredje rike
Föraktar utsatta och slår ut de svaga
politikerna håller fascisterna om ryggen
Det är inte någon som vågar klaga

Rasister på gatan i polisuniform

ditt människovärde beräknas utifrån din hud
Ju mörkare du är desto mindre är du värd
Sett från ögonen på en våldsbenägen snut

Krappkrapp

Sjaldan hefur jafn mikið krapp einkennt umheiminn eins og akkúrat núna. Ekkert nema gott um það að segja.

Brá mér til Rvíkur í rúma viku, og að venju var gist hjá Bjölla bónda. Mér reiknast sem svo að ég hafi þar með eytt ca. 9% af þessu ári inn á því ágæta fólki. Ég er reyndar það yndislegur að það er ekki nema von að þau vilji hafa mig. Á von á ættleiðingu á hverri stundu

Fyrir utan að dvelja hjá Bjölla þá var poíntið með ferðinni að sjá uppáhaldshljómsveitina mína þegar ég var 11 ára og uppáhaldshljómsveitina mína þegar ég var 18 ára í einu og sömu ferðinni. Bæði giggin runnu einkar ljúflega niður. Þá er ekkert eftir nema Maiden til að ég geti hvatt heiminn nokkuð sáttur tónleikalega séð.

ps. Ég hef reyndar ekki hugmynd um hvernig tónlist þessir gaurar spila, en þetta er mjög kúl nafn á hljómsveit öngvu að síður.

Fegurð

Þetta er óneitanlega fagurt eintak.



(og þá meina ég að sjálfsögðu bæði bílinn og manninn)

Bílmekanikskrapp

Í gær reyndi ég fyrir mér sem bílmekaniker þegar ég aðstoðaði Mella við að festa hliðarspegil á sinn heiðbláa rússajeppa. Við það tækifæri smelltist af þessi últra-listræna ljósmynd:



Hvort þetta hefur nægt til að koma trukknum í gegnum skoðun verður að fá að koma í ljós. Hef reyndar enga trú á öðru.

ULTIMATE öppdeitskrapp



Án efa þá hafa æstir lesendur Krappetíkrappsins beðið sveittir og sóðalegir eftir nýrri útgáfu af hinu ofurvinsæla teningaspili ULTIMATE TÍU ÞÚSUND, alveg síðan leikurinn kom á markað fyrir jólin. Hinir sömu æstu lesendur geta nú tekið gleði sína því útgáfa 2.0.0.0 er komin út! Í nýju útgáfunni er meðal annars hægt að láta tölvuna tjá sig munnlega um framgang leiksins, og er það undirritaður sem bregður sér í hlutverk "Íslensks hrotta" eða "Óþolandi Svía", allt eftir óskum notandans.

Í tilefni af hinnu nýju útgáfu verður einnig glænýju vefsetri teningaspilsins hleypt af stokkunum, sem má finna á slóðinni ultimate.halez.net. Þar er að finna allar niðurhalsupplýsingar og fleira gómsætt. Eins ótrúlegt og það hljómar þá gerði ég þessa vefsetur einn og án nokkurrar hjálpar. Pælið í því.

Fyrir þá sem vilja breiða út boðskapinn þá er hinum sömu velkomið að bæta þessum íðilfagra banner við vefsetur sín. Grafískir sérfræðingar hafa legið undir feldi dögum saman til að tryggja að litasamsetningin passi í hvaða umhverfi sem er.

Kæfukrapp

Eitt sinn í fyrndinni myndaðist hefð fyrir því hér á Krappetíkrappinu að við félagarnir sem dvöldum í Svíaríki létum reglulega ljós okkar skína með hnyttnum myndasyrpum úr hversdagslífinu (má þá nefna Kryddukrapp og þegar halez fór í búðina).

Því miður þá dróst heldur úr þessu þegar við fluttum heim og losnuðum (blessunarlega?) við feitu nettenginuna okkar. Ég get hins vegar glatt æsta lesendur með því að ég fann nokkrar myndir sem teknar voru í kveðjuhófi mínu úr Skaufabæ sem eru alveg tilvaldar til að deila með umheiminum.

Æ giv jú: 9 tilbrigði við kæfu. Verðlaun veitt fyrir að giska á hverjir eru sænskir (þeir eru 2).

Tækninýjungakrapp

Í tilefni af því að þessi krappí sími sem ég keypti hefur enn ekki bilað (aftur) þá ákvað ég að það væri kominn tími til að nýta hann í eitthvað skárra en 900-númer og spjallið á textavarpinu. Nú hefur því göngu sína hrottalega spennandi liður á Krappetíkrappinu, en það er svokallað emmBlogh. Geri reyndar ekki ráð fyrir að þetta endist lengur en út apríl því þá fara myndskilaboð hjá Símanum að kosta pening aftur og það örugglega meira en nokkru sinni fyrr.

Best því að hamra járnið á meðan það er heitt og því geta æstir lesendur skellt sér á emmBloghið og skoðað gæludýrin þrjú sem ég fæ að hafa hjá mér í vinnunni. Hvað getur verið áhugaverðara spyr ég?

ps. góðar fréttir fyrir Pixies-miðalausa menn eins og mig.

Fréttnæmt frá Akureyri

Það var eitthvað sketsj frá Tvíhöfða á stöð 2 á föstudaginn sem gaf það sterklega í skyn að það væri aldrei neitt fréttnæmt frá Akureyri. Ég tók þetta náttúrulega mjög nærri mér og móðgaðist sárlega, þangað til ég sá þessa frétt daginn eftir í Mogganum, undir fyrirsögninni "Erill hjá lögreglunni á Akureyri". Eftir að hafa sagt frá einhverjum slagsmálum þar sem enginn meiddist, þá endar fréttin á þessum orðum:

"Þá hafði lögreglan afskipti af manni vegna fíkniefna. Engin fíkniefni fundust við leit, en maðurinn mun hafa komið við sögu áður vegna fíkniefna."

Ef þetta er ekki saga til næsta bæjar þá veit ég ekki hvað er...

Símakrapp del II

Fyrir æsta lesendur Krappetíkrappsins sem geta vart sofið vegna spennu út af Stóra Símamálinu, þá get ég glatt viðkomandi með því að niðurstaða er komin.

Í gær fékk ég sumsagt hringingu um að síminn minn væri kominn úr viðgerð. Vippaði ég mér yfir í stórverslun Og Voðafóns á Akureyri og las þar starfsstúlka upp fyrir mig eftirfarandi skýrslu:

"Rafhlaða var ónýt, skipt var um hana. Síminn opnaður og yfirfarinn."

Gríðarlega hressandi að það tók rúmar 2 vikur að komast að því að batteríið var í krappi. Krapp krapp og megakrapp.

Símakrapp

Hérna er hann gamli gráni minn uppstilltur með tveimur bræðrum sínum, sem voru veittir sem verðlaun í forritunarkeppninni MjUKT 2001 sem fram fór í Skaufabæjarháskóla. Välförtjänat eftir 24 tíma strit (þó ég efast um að ég hafi gert mikið af gagni).



Tilefni þessara skrifa er að í síðustu viku ákvað ég að það væri tími til kominn fyrir gamla grána að víkja fyrir yngra módeli, enda var ég ekki búinn að hlaða hann í 2 mánuði (týndi hleðslutækinu) og auk þess þá var hann farinn að haga sér heldur undarlega eftir að hafa lent í bjórbaði í einhverju svæsnu eldhúspartíi í Þórunnarstrætinu.

Þannig að fyrir rúmri viku síðan gekk ég gallvaskur inn í símaverslun hér í bæ, og verslaði þar nýjan og ferskan Ericsson síma sem gengur undir módelnafninu 610. Var búinn að kynna mér vöruúrvalið á internetinu og leist nokkuð vel á þennan. Enda líkaði mér bara hreint út sagt ágætlega við hann svona fyrst um sinn, þangað til um síðustu helgi að hann fór að haga sér eitthvað undarlega með því að endurræsast upp úr þurru og fleira skemmtilegt. Á þriðjudaginn þoldi ég því ekki lengur við og fór með hann í símaverslunina og heimtaði viðgerð. Afgreiðslumaðurinn virtist nú ekkert hissa þegar ég strunsaði inn með bilaðan síma, sagði að þetta væri náttúrulega bara hugbúnaður í þessum apparötum og hann gæti klikkað eins og annað (og bilív mí, ef einhver hefur skilning á því þá er það ég). Þannig að ég skildi símann eftir og gekk út með plagg sem sagði að mér hefði áskotnast verkbeiðnanúmer 8202 (sem þýðir vonandi ekki að þeir þurfi að laga áttaþúsund tvöhundruð og einn Ericsson síma áður en röðin kemur að mínum).

Seinna um daginn var ég aftur mættur á internetið að skoða vöruúrvalið af símum, fullur efasemda um að ég hafi gert góð kaup. Viti menn, á heimasíðu Símans voru þeir farnir að básúna að nú væri kominn fram á sjónarsviðið hinn splunkunýji Sony Ericsson 630, sem nefndur var “arftaki 610 módelsins”. Bloddí greit. Ekki einu sinni keypti ég mér bilaðan síma, heldur var hann orðinn úreldur viku eftir að ég keypti hann.

Mórallinn í þessari sögu er örugglega ekki neinn, ég þurfti bara að koma þessu af bringunni á mér. Gaman að geta þess að þegar ég fékk gamla grána fyrst upp í hendurnar (eftir að hafa nóta bene unnið hann í keppni sem var haldin af Ericsson) þá þurfti ég að setja hann í viðgerð í mánuð áður en ég fékk eintak sem virkaði. Alltaf gaman að vera seinheppinn.

Í tengdum fréttum þá má geta þess að í dag lauk keppninni MjUKT 2004, og óska ég sigurvegurunum innilega til hamingju. Vonandi virka símarnir þeirra.

Franzson-krapp



"Movement between continuous and discontinuous grains is set in motion, occasionally overloading and thereby leading into an architectonic rereading of the melodic contour of a well-known rococo aria. "

Fyrir þá sem lystir að lesa meira svona hraun og jafnvel hlusta á það tónverk sem verið er að lýsa er bent á að skella sér hingað. Ég hef alltént enn sem komið er ekki þorað að hlusta.

Bíð spenntur eftir að höfundurinn lögsæki mig fyrir að vitna í sig án leyfis og ræna þessari íðilfögru mynd um hábjartan dag. Ég bara stóðst ekki mátið.