Biturleiki dagsins

Held að Maistró Davíð verði að fá prik fyrir að hafa á ákaflega bitran hátt ausið (ausað? jósað? jóst?) úr skálum reiði sinnar þegar enginn af hans íslensku vinum mætti á frumflutning á einu af tónverkum hans, sem átti sér stað í einhverju fjarlægu kommúnistaríki í stjörnukerfi langt, langt í burtu. Hann skrifaði mjög biturt rafrænt bréf til mín þar sem ég var látinn fá það óþvegið, og endaði hann skriftir sínar með því að segja að þeir sem ekki hefðu mætt gætu "étið hvað sem ykkur þóknast af affalli líkama ykkar mín vegna" (Franzson, 2002). Spurning um að byrja á tánöglunum og vinna sig svo hægt og bítandi upp á við.. eða hvað?

Maistró fær alltént fimm biturleikaprik fyrir þessa fallegu viðleitni.